കൊച്ചി: നടിയെ ആക്രമിച്ച കേസിലെ മെമ്മറി കാര്‍ഡ് വിവാദത്തില്‍ ഹരജി കേള്‍ക്കുന്നതില്‍ നിന്ന് ഹൈക്കോടതി ജഡ്ജി പിന്മാറി. ജഡ്ജി ജോബിന്‍ സെബാസ്റ്റ്യന്‍ ആണ് ഹരജിയില്‍ നിന്ന് സ്വമേധയാ വിട്ടുനിന്നത്. കേസിലെ നിര്‍ണായക തെളിവായ മെമ്മറി കാര്‍ഡ് നിയമവിരുദ്ധമായി പരിശോധിക്കപ്പെട്ട സംഭവത്തില്‍ പുനരന്വേഷണം ആവശ്യപ്പെട്ട് അതിജീവിത ഹരജി നല്‍കിയിരുന്നു. 

ജോബിന്‍ സെബാസ്റ്റ്യന്‍ ഹൈക്കോടതിയിലെ ജില്ലാ ജുഡീഷ്യറി രജിസ്ട്രാറായിരുന്ന കാലത്ത് ഇതേ വിഷയത്തില്‍ അതിജീവിതയുടെ മുന്‍ അഭിഭാഷകന്‍ ഭരണപരമായ തലത്തില്‍ പരാതി നല്‍കിയിരുന്നു. അന്ന് ഈ പരാതിയുമായി ബന്ധപ്പെട്ട സമിതിയുടെ ഭാഗമായിരുന്ന താന്‍ ഇപ്പോള്‍ അതേ വിഷയത്തില്‍ ഹരജി പരിഗണിക്കുന്നത് ഉചിതമല്ലെന്ന ധാര്‍മിക നിലപാടിന്റെ അടിസ്ഥാനത്തിലാണ് പിന്മാറ്റം.

ALSO READ: ജീവനെടുത്ത് വീണ്ടും കാട്ടാന, ഇടുക്കിയില്‍ യുവതി കൊല്ലപ്പെട്ടു; പാലക്കാട് ജനവാസമേഖലയില്‍ പുലി

രാവിലെ ഹരജി പരിഗണിച്ച കോടതി വിഷയത്തില്‍ വിശദമായ വാദം കേള്‍ക്കേണ്ടതുണ്ടെന്ന് കോടതി നിരീക്ഷിച്ചിരുന്നു. ഉച്ചയ്ക്ക് മുമ്പ് തന്നെ കേസ് പരിഗണിക്കുമെന്ന് അറിയിക്കുകയും ചെയ്തിരുന്നു.

ഇതിനിടെയാണ് വിഷയവുമായി ബന്ധപ്പെട്ട് നേരത്തെ ഹൈക്കോടതിയുടെ ഭരണപരമായ സമിതിക്ക് പരാതി ഉന്നയിച്ചിരുന്നോ എന്ന് ജഡ്ജി ചോദിച്ചത്. അതിജീവിതയ്ക്കായി ഹാജരായ മുതിര്‍ന്ന അഭിഭാഷകന്‍ വൃന്ദ ഗ്രോവര്‍ പരാതി നല്‍കിയിരുന്നുവെന്ന് കോടതിയെ അറിയിച്ചു. എന്നാല്‍ അന്ന് കാര്യമായ നടപടികളൊന്നും ഉണ്ടായിരുന്നില്ലെന്നും അവര്‍ വ്യക്തമാക്കി.

ഇതിനു പിന്നാലെയാണ് കേസ് കേള്‍ക്കുന്നതില്‍ നിന്ന് പിന്മാറുന്നതായി ജസ്റ്റിസ് ജോബിന്‍ സെബാസ്റ്റ്യന്‍ പ്രഖ്യാപിച്ചു. ജഡ്ജിയുടെ പിന്മാറ്റത്തെ തുടര്‍ന്ന് ഹരജി ഇനി ചീഫ് ജസ്റ്റിസിന്റെ പരിഗണനയ്ക്ക് വിടും. തുടര്‍ന്ന് കേസ് കേള്‍ക്കാന്‍ മറ്റൊരു സിംഗിള്‍ ബെഞ്ചിനെ നിയോഗിക്കുമെന്നാണ് നിലവിലെ വിവരം.

അതേസമയം, മെമ്മറി കാര്‍ഡ് പരിശോധിക്കപ്പെട്ട സംഭവവുമായി ബന്ധപ്പെട്ട് നേരത്തെ സിംഗിള്‍ ബെഞ്ച് പുറപ്പെടുവിച്ച ഉത്തരവിന് ശേഷം എന്ത് നടപടിയാണ് സ്വീകരിച്ചതെന്ന് ഡിവിഷന്‍ ബെഞ്ചും ചോദ്യം ഉയര്‍ത്തിയിട്ടുണ്ട്. കേസിലെ തുടര്‍നടപടികള്‍ ഇനി കോടതിയുടെ അടുത്ത തീരുമാനത്തെ ആശ്രയിച്ചിരിക്കും.

Introducing a dramatic turn of events in the high-profile 2017 actress assault case, Justice Jobin Sebastian of the Kerala High Court has officially recused himself from hearing a crucial petition filed by the survivor. The petition demands a comprehensive, airtight investigation into the illegal access and subsequent alteration of the hash value of the memory card containing sensitive case evidence. The petition will now be transferred to a different bench for future hearings.