ആലുവ: ഓണഘോഷങ്ങളുടെ ഭാഗമായി ആലുവ മര്‍ച്ചന്റ്‌സ് അസോസിയേഷന്‍ സംഘടിപ്പിച്ച പ്രഥമ എ.കെ.എ ജബ്ബാര്‍ മെമ്മേറിയല്‍ ഫ്‌ളഡ്‌ലൈറ്റ് വടംവലി മത്സരത്തില്‍ ഇരിങ്ങോള്‍ ഭീഷ്മ ബോയ്‌സ് ജേതാക്കളായി. ഫൈനലില്‍ ക്രൗണ്‍ മുപ്പത്തടത്തെയാണു തോല്‍പ്പിച്ചത്. കരിമക്കാടന്‍സ് തൃക്കാകര, സ്മാര്‍ട്ട് അത്താണി കാക്കനാട് എന്നി ടീമുകള്‍ മൂന്നും നാലും സ്ഥാനങ്ങള്‍ കരസ്ഥമാക്കി.
ആലുവ മഹാത്മ ഗാന്ധി ടൗണ്‍ ഹാളില്‍ നടന്ന മത്സരം ആലുവ നഗരസഭ ചെയര്‍പേഴ്‌സണ്‍ ലിസി ഏബ്രാഹം ഉദ്ഘാടനം ചെയ്തു. മര്‍ച്ചന്റ്‌സ് അസ്സോസിയേഷന്‍ പ്രസിഡന്റ് ഇ.എം.നസീര്‍ ബാബു അദ്ധ്യക്ഷത വഹിച്ചു. ലത്തീഫ് പൂഴിത്തറ, പി.എം.മൂസാക്കുട്ടി, അയൂബ് പുത്തന്‍ പുരയില്‍, ഇ.എ.അബൂബക്കര്‍, തുടങ്ങിയവര്‍ സംസാരിച്ചു. ജനറല്‍ സെക്രട്ടറി അഡ്വ എ.ജെ.റിയാസ് സ്വാഗതവും ട്രഷറര്‍ ജോണി മൂത്തേടന്‍ നന്ദിയും പറഞ്ഞു. വിജയകള്‍ക്ക് അന്‍വര്‍ സാദത്ത് എം.എല്‍.എ സമ്മാനങ്ങള്‍ വിതരണം ചെയ്തു.