ഈസ്റ്റ് ഗോദാവരി: ആന്ധ്രാപ്രദേശിലെ ഈസ്റ്റ് ഗോദാവരിയില്‍ 7.30 ലക്ഷം രൂപയുടെ കഞ്ചാവ് പിടികൂടി. സംഭവവുമായി ബന്ധപ്പെട്ട് എട്ടുപേര്‍ അറസ്റ്റിലായി.
ഇവരുടെ പക്കല്‍നിന്ന് 146 കിലോ കഞ്ചാവാണ് പിടികൂടിയത്.രാജാനഗരത്തില്‍ പൊലിസ് നടത്തിയ വാഹനപരിശോധനയിലാണ് പ്രതികള്‍ വലയിലായത്. കാറില്‍ കടത്താന്‍ ശ്രമിച്ച കഞ്ചാവാണ് പിടികൂടിയത്. കഞ്ചാവിനുപുറമെ പണവും മൊബൈല്‍ ഫോണുകളും പിടിച്ചെടുത്തിട്ടുണ്ട്. കഞ്ചാവ് വിശാഖപട്ടണത്തുനിന്ന് ഹൈദരാബാദിലേക്കു കൊണ്ടുപോവുകയായിരുന്നു.