കൊണ്ടോട്ടി: കരിപ്പൂര്‍ വിമാനത്താവളത്തില്‍ വിദേശ യാത്രക്കാരന്റെ കാണാതായ ബാഗേജ് കണ്ടെത്തി. മസ്‌കറ്റില്‍നിന്ന് എയര്‍ഇന്ത്യ എക്‌സ്പ്രസ് വിമാനത്തില്‍ കഴിഞ്ഞ ദിവസമെത്തിയ കണ്ണൂര്‍ കൂത്തുപറമ്പ് സ്വദേശി ബാലന്റെ (29) ബാഗേജാണ് കരിപ്പൂര്‍ കസ്റ്റംസ് ഹാളില്‍ നഷ്ടമായിരുന്നത്.
തുടര്‍ന്നു കരിപ്പൂര്‍ പൊലിസ് നടത്തിയ അന്വേഷണത്തിലാണ് ബാഗ് മറ്റൊരു യാത്രക്കാരന്‍ മാറിയെടുത്തതാണെന്നു വ്യക്തമായത്. ഇതു തിരിച്ചെടുത്ത് ഇന്നു യാത്രക്കാരനു കൈമാറുമെന്നു പൊലിസ് പറഞ്ഞു.




കണ്‍വെയര്‍ ബെല്‍റ്റില്‍നിന്ന് ബാഗ് എടുത്തു മാറ്റിവച്ച് അടുത്ത ബാഗിനായി കാത്തുനില്‍ക്കുന്നതിനിടെയാണ് ആദ്യ ബാഗ് കാണാതായിരുന്നത്. വിമാനത്താവളത്തിലെ സി.സി.ടി.വി പരിശോധിച്ചപ്പോഴാണ് ബാഗ് മാറിയെടുത്തതായി അറിയുന്നത്.