ഏദന്‍: യെമനിലെ വിമത കേന്ദ്രങ്ങളില്‍ സൗദി സഖ്യം നടത്തിയ വ്യോമാക്രമണത്തില്‍ 20 പേര്‍ കൊല്ലപ്പെട്ടതായി റിപ്പോര്‍ട്ട്. യെമനിലെ തുറമുഖ നഗരമായ ഹൊദെയ്ദയിലായിരുന്നു ആക്രമണം. 30 ഓളം പേര്‍ക്ക് പരുക്കേറ്റു.

തലസ്ഥാനനഗരം പിടിച്ചെടുത്തതിന്റെ രണ്ടാം വാര്‍ഷികം ആഘോഷിച്ച് മണിക്കൂറുകള്‍ക്കുള്ളിലാണ് വിമതര്‍ക്ക് നേരെ ആക്രമണമുണ്ടായത്. തലസ്ഥാന നഗരമായ സനയിലും ആക്രമണം നടന്നതായി റിപ്പോര്‍ട്ടുണ്ട്.

സഊദി സഖ്യത്തിന്റെ ഇടപെടല്‍ ആരംഭിച്ച ശേഷം 6,600 പേരാണ് ഇവിടെ കൊല്ലപ്പെട്ടിട്ടുള്ളത്.