പാലക്കാട്: കേരളത്തിലെ രണ്ടാമത്തെ കടുവാ സംരക്ഷണ കേന്ദ്രമായ പറമ്പിക്കുളത്തു കഴിഞ്ഞ മാസം നടത്തിയ കടുവകളുടെ കണക്കെടുപ്പില്‍ 37കടുവകളുണ്ടെന്നു കണ്ടെത്തി. 2014ല്‍ നടത്തിയ കണക്കെടുപ്പില്‍ 28കടുവകളാണ് ഉണ്ടായിരുന്നത്.
പ്രായപൂര്‍ത്തിയായ 32കടുവകളും അഞ്ചുകുട്ടികളെയുമാണ് ഇത്തവണ നടത്തിയ സര്‍വേയില്‍ കണ്ടെത്തിയത്. ഒന്‍പത് വര്‍ഷത്തിനിടയില്‍ ഒന്‍പത് കടുവകളെ അധികമായി കണ്ടെത്തി.
36 ബ്ലോക്കുകളിലായി വനം വകുപ്പ് ഉദ്യോഗസ്ഥര്‍ ആദിവാസികളുടെ സഹായത്തോടെയാണ് സര്‍വേ നടത്തിയത് വനം വകുപ്പ് വിവിധ സ്ഥലങ്ങളിലായി സ്ഥാപിച്ചിട്ടുള്ള നിരീക്ഷണ കാമറകളില്‍ പതിഞ്ഞ ചിത്രങ്ങളും പരിശോധിച്ചിരുന്നു . വാഴച്ചാല്‍, നെന്മാറ, പറമ്പിക്കുളം വനമേഖലകള്‍ ഉള്‍പ്പെട്ടിട്ടുള്ള കടുവാസങ്കേതത്തില്‍ നടത്തിയ സര്‍വേയില്‍ 180 പേരാണ് പങ്കെടുത്തത്. 643.66 സ്‌ക്വയര്‍കിലോമീറ്റര്‍ വിസ്തീര്‍ണമാണ് പറമ്പിക്കുളം കടുവാസങ്കേതത്തിനുള്ളത്. 2010 ഫെബ്രുവരി 19 നാണ് പറമ്പിക്കുളം വന്യജീവി സങ്കേതത്തെ ടൈഗര്‍ റിസെര്‍വായി പ്രഖ്യാപിച്ചത്.