പാനൂര്‍: ഒ്രാണം, ബലി പെരുന്നാള്‍, ചതയദിന ആഘോഷത്തിന്റെ ഭാഗമായി പാലത്തായില്‍ നാട്ടൊരുമ ആരംഭിച്ചു. നഗരസഭാ വൈസ് ചെയര്‍മാന്‍ എം.കെ പത്മനാഭന്റെ അധ്യക്ഷതയില്‍ ചെയര്‍പേഴ്‌സന്‍ കെ.വി.റംല നാട്ടൊരുമ ഉദ്ഘാടനം ചെയ്തു. ജില്ലാ പഞ്ചായത്ത് സ്റ്റാന്റിംഗ് കമ്മിറ്റി ചെയര്‍മാന്‍ വി.കെ സുരേഷ് ബാബു മുഖ്യ പ്രഭാഷണം നടത്തി. നാട്ടൊരുമ സപ്ലിമെന്റ് പാലത്തായി മൊയ്തു ഹാജി പ്രകാശനം ചെയ്തു. മുന്‍ മന്ത്രി കെ.പി മോഹനന്‍ ഉപഹാര സമര്‍പ്പണം നടത്തി. ഇന്നു രാവിലെ 10 മുതല്‍ പാലത്തായിലെ മുഴുവന്‍ കലാകാരന്‍മാരേയും ഉള്‍പ്പെടുത്തി ഗ്രാമം പാടുന്നു. ഉച്ചയ്ക്ക് പാലത്തായിലേയും പരിസരങ്ങളിലേയും മുഴുവന്‍ നാട്ടുകാരെ ഉള്‍പ്പെടുത്തി വിഭവ സമൃദ്ധമായ സ്‌നേഹസദ്യയും ഒരുക്കുന്നുണ്ട്.