വളാഞ്ചേരി: മുന്‍മുഖ്യമന്ത്രി സി അച്യുതമേനോന്‍ സ്മരണാര്‍ഥം രൂപീകരിച്ച അച്യുതമേനോന്‍ കള്‍ച്ചറല്‍ സെന്റിന്റെ ഉദ്ഘാടനവും, നിര്‍ധനരായവര്‍ക്കുളള സ്‌നേഹോപഹാര സമര്‍പ്പണവും ഇന്ന് വൈകിട്ട് അഞ്ചിന് കാടാമ്പുഴ മൈത്രിഭവനില്‍ നടക്കും.
സി.പി.ഐ ജില്ലാ സെക്രട്ടറി പി.പി സുനീര്‍ ഉദ്ഘാടനം ചെയ്യും. യുവകലാസാഹിതി ജില്ലാ പ്രസിഡന്റ് എ.പി അഹമ്മദ്, മാറാക്കര ഗ്രാമപഞ്ചായത്ത് പ്രസിഡന്റ് വി മധുസൂദനന്‍, അഡ്വ. പി ജാബിര്‍, എ.പി മൊയ്തീന്‍കുട്ടി, കെ.പി രമേഷ് സംസാരിക്കും. സാംസ്‌കാരിക സദസ്, കുട്ടികളുടെ വിവിധ കലാപരിപാടികള്‍ എന്നിവ നടത്തും. തുടര്‍ന്ന് കെ.പി.എ.സിയുടെ നാടകം ന്റുപ്പൂപ്പാക്കൊരാനേണ്ടാര്‍ന്നു  അവതരിപ്പിക്കും. വാര്‍ത്താസമ്മേളനത്തില്‍ എം ജയരാജന്‍, സി ഹരി, പി മുഹമ്മദ്കുട്ടി, പി.പി കുഞ്ഞുമൊയ്തുഹാജി പങ്കെടുത്തു.