തോണിച്ചാല്‍: അത്തേരിക്കുന്നില്‍ പ്രവര്‍ത്തിക്കുന്ന ക്രഷറിന് മുന്നില്‍ സമരം നടത്തുന്ന നാട്ടുകാരും ക്രഷര്‍ ജീവനക്കാരും തമ്മിലുണ്ടായ സംഘര്‍ഷത്തില്‍ സമരക്കാരായ നാല് സ്ത്രീകള്‍ ജില്ലാ ആശുപത്രിയില്‍ ചികിത്സ തേടി.
രാവിലെ 11 മുതല്‍ വൈകുന്നേരം നാല് വരെ ക്രഷറിലേക്കുള്ള വാഹനങ്ങള്‍ തടസപ്പെടുത്തരുതെന്ന കോടതി നിര്‍ദേശം നടപ്പിലാക്കാന്‍ പൊലിസിന് ഇന്നലെ ഹൈക്കോടതി ഉത്തരവ് നല്‍കിയിരുന്നു.
ഇത് പ്രകാരം ക്രഷറിനോട് ചെര്‍ന്ന് നിര്‍ത്തിയിട്ടിരുന്ന ടിപ്പറുകള്‍ ക്രഷറിലേക്ക് കടത്തിവിടുന്നതിനിടെയാണ് സമരക്കാരും ജിവനക്കാരും തമ്മില്‍ വാക്കേറ്റമുണ്ടായത്.