ആനക്കര: അധ്യാപകര്‍ രാഷ്ട്ര സേവനം ജീവിത ലക്ഷ്യമാക്കണമെന്ന് കാലിക്കറ്റ് സര്‍വകലാശാല സിന്‍ഡിക്കേറ്റ് മെമ്പര്‍ സി.പി ചിത്ര പറഞ്ഞു.
ആനക്കര ഡയറ്റിലെ ബി.എഡ് ബിരുദദാന ചടങ്ങ് ഉദ്ഘാടനം ചെയ്തു സംസാരിക്കുകയായിരുന്നു അവര്‍. വിദ്യാര്‍ത്ഥികളില്‍ രാഷ്ട്രബോധം കുറഞ്ഞു വരുന്നതാണ് ചെറുപ്പക്കാര്‍ തീവ്രവാദപ്രസ്ഥാനങ്ങളില്‍ ചേരാനിടയാകുന്നത്.
വിദ്യാര്‍ത്ഥികളില്‍ രാഷ്ട്രബോധം വളര്‍ത്താന്‍ അധ്യാപകര്‍ മുന്നോട്ട് വരേണ്ടതുണ്ട്. ആനക്കര പഞ്ചായത്ത് പ്രസിഡന്റ് സിന്ധുരവീന്ദ്രകുമാര്‍ അധ്യക്ഷത വഹിച്ചു.
സംഗീതജ്ഞന്‍ പാലനാട് ദിവാകരന്‍ കലോത്സവ വിജയികളെ അനുമോദിക്കല്‍ ചടങ്ങ് ഉദ്ഘാടനം ചെയ്തു. വാര്‍ഡ് മെമ്പര്‍ വത്സല, ഡയറ്റ് പ്രിന്‍സിപ്പല്‍ ഇന്‍ ചാര്‍ജ് ഡോ. എ.രാജേന്ദ്രന്‍, സീനിയര്‍ ലക്ച്ചറര്‍ പി.രാജന്‍, ലക്ച്ചറര്‍മാരായ ഡോ.കെ.രാമചന്ദ്രന്‍, എം.പി.നാരായണനുണ്ണി, പി.ടി.എ പ്രസിഡന്റ് എം.മോഹനന്‍, ലാബ് പി.ടി.എ പ്രസിഡന്റ് ഷറഫുദ്ദീന്‍ കളത്തില്‍,സി.കെ ശശി പച്ചാട്ടിരി എന്നിവര്‍ സംസാരിച്ചു