പന്നിയങ്കര: റെയ്ഞ്ചിനു കീഴിലെ മദ്‌റസകളില്‍ നിന്ന് അഞ്ചാംതരം പൊതുപരീക്ഷയില്‍ ഉന്നതവിജയം നേടിയ മദ്‌റസയ്ക്കുള്ള അവാര്‍ഡുകള്‍ വിതരണം ചെയ്തു. മുഫത്തിശ് ഇ. ഹംസ മുസ്‌ലിയാരില്‍ നിന്ന് താന്നിക്കല്‍പറമ്പ് മന്‍ശഉല്‍ ഉലൂം മദ്‌റസാ പ്രസിഡന്റ് കെ.വി അബ്ദുല്‍ നാസര്‍ ഹാജി അവാര്‍ഡ് സ്വീകരിച്ചു. ഏഴ്, പത്ത്, പ്ലസ്ടു മദ്‌റസകള്‍ക്കുള്ള അവാര്‍ഡുകള്‍ യഥാക്രമം ആര്‍.പി ശിഹാബുദ്ദീന്‍ ഹസനി, റെയ്ഞ്ച് പ്രസിഡന്റ് റിയാസ് ഫൈസി എന്നിവര്‍ ഏറ്റുവാങ്ങി. റെയ്ഞ്ച് തലത്തില്‍ അഞ്ച്, ഏഴ്, പത്ത്, പ്ലസ്ടു ക്ലാസുകളില്‍ ഏറ്റവും കൂടുതല്‍ മാര്‍ക്ക് വാങ്ങിയ വിദ്യാര്‍ഥികള്‍, അവരെ പ്രാപ്തരാക്കിയ അധ്യാപകര്‍ എന്നിവര്‍ക്ക് ക്യാഷ് അവാര്‍ഡ് നല്‍കി. മുന്‍ റെയ്ഞ്ച് ഭാരവാഹികളായ പ്രസിഡന്റ്, സെക്രട്ടറി, പരീക്ഷാ ബോര്‍ഡ് ചെയര്‍മാന്‍, തദ്‌രീബ് പരീക്ഷാ വിജയികളായ കെ.ടി ശഫീഖ് മൗലവി, മുഹമ്മദലി മുസ്‌ലിയാര്‍ എന്നിവര്‍ക്കുള്ള പ്രത്യേക സമ്മാനവും ചടങ്ങില്‍ വിതരണം ചെയ്തു.
ചാമുണ്ടി വളപ്പ് മഅ്ദിനുല്‍ ഉലൂം മദ്‌റസയില്‍ ചേര്‍ന്ന യോഗത്തില്‍ റെയ്ഞ്ച് സെക്രട്ടറി കെ.എം ഉമര്‍ മൗലവി സ്വാഗതവും കെ.ടി ശഫീഖ് മൗലവി നന്ദിയും പറഞ്ഞു.