മാള: സര്‍ക്കാരും പഞ്ചായത്തുകളും വൃദ്ധസദനങ്ങളെ പ്രോത്സാഹിപ്പിക്കരുതെന്ന് അഡ്വ. വി.ആര്‍ സുനില്‍ കുമാര്‍ എം.എല്‍.എ പറഞ്ഞു.
കൂഴൂര്‍ ഗ്രാമപഞ്ചായത്ത് സംഘടിപ്പിച്ച വയോജന സംഗമം ഉദ്ഘാടനം ചെയ്ത് സംസാരിക്കുകയായിരുന്നു എം.എല്‍.എ മക്കള്‍ ഉപേക്ഷിക്കുന്ന മാതാപിതാക്കളുടെ എണ്ണം സംസ്ഥാനത്ത് വര്‍ധിക്കുകയാണെന്നും എം.എല്‍.എ പറഞ്ഞു. കൂഴൂര്‍ ഗ്രാമപഞ്ചായത്ത് പ്രസിഡന്റ് പി.ശാന്തകുമാരി അധ്യക്ഷയായി. 80 വയസിന് മുകളിലുള്ളവരെ ചടങ്ങില്‍ ആദരിച്ചു. 90 വയസുകാരിയായ അന്നം തിരി തെളിയിച്ചു. ആന്റോ കണ്ടംകുളത്തി, എന്‍.ഡി പോള്‍സണ്‍, അഡ്വ. നിര്‍മ്മല്‍.സി.പാത്താടന്‍ തുടങ്ങിയവര്‍ സംസാരിച്ചു.