പരപ്പനങ്ങാടി: 250 ഗ്രാം കഞ്ചാവുമായി അന്യസംസ്ഥാന തൊഴിലാളിയെ എക്‌സൈസ് സംഘം പിടികൂടി. തിരൂരങ്ങാടി എക്‌സൈസ് സര്‍ക്കിള്‍ ഇന്‍സ്‌പെക്ടര്‍ എം. രാകേഷിന്റെ നേതൃത്വത്തിലുളള സംഘമാണ് പശ്ചിമബംഗാളിലെ മുര്‍ശിദാബാദ് സ്വദേശി സൊറീഷ് എന്നയാളില്‍നിന്നു കഞ്ചാവ് പിടികൂടിയത്.
വിദ്യാര്‍ഥികള്‍ ഉള്‍പ്പെടെയുള്ളവര്‍ക്കു വിതരണം ചെയ്യുന്നതിനായി പാക്കറ്റുകളിലാക്കി കൊണ്ടുവരുന്നതിനിടെ ഇന്നലെ ഉച്ചയോടെ വേങ്ങര മാര്‍ക്കറ്റ് റോഡിനു സമീപംവച്ചാണ് ഇയാള്‍ പിടിയിലായത്. തിരൂരങ്ങാടി എക്‌സൈസ് സി.ഐക്കു പുറമേ അസി. എക്‌സൈസ് ഇന്‍സ്‌പെക്ടര്‍ വി.പി ഭാസ്‌കരന്‍, പ്രിവന്റീവ് ഓഫിസര്‍ കെ. ശങ്കരനാരായണന്‍, സി.ഇ.ഒമാരായ എം.കെ ഷിജിത്ത്, പി. ദീലീപ്കുമാര്‍, ഡ്രൈവര്‍ ചന്ദ്രമോഹന്‍ എന്നിവരും സംഘത്തിലുണ്ടായിരുന്നു. പരപ്പനങ്ങാടി കോടതിയില്‍ ഹാജറാക്കിയ പ്രതിയെ റിമാന്‍ഡ് ചെയ്തു .