നാദാപുരം: കല്ലാച്ചിയില്‍ കഴിഞ്ഞ ദിവസം നടന്ന സംഘര്‍ഷത്തിനിടെ ടൗണില്‍ ഉപേക്ഷിച്ച സ്‌കൂട്ടറിനെക്കുറിച്ചു വിവരം ലഭിച്ചില്ല.
കല്ലാച്ചി  ഫേഷന്‍ പര്‍ദ്ദ ഷോപ്പില്‍ ജോലിചെയ്യുന്ന നരിപ്പറ്റ സ്വദേശി കൊപ്രക്കളത്തില്‍ തുഷാരയുടെ കെ എല്‍ 18 ക്യു ആക്ടീവ സ്‌കൂട്ടറാണ് കാണാതായത്. കഴിഞ്ഞ തിങ്കളാഴ്ച വൈകീട്ട് ജോലി കഴിഞ്ഞു വീട്ടിലേക്കു തിരിച്ചുപോകുന്നതിനിടെയാണ് കല്ലാച്ചിയില്‍ സംഘര്‍ഷം ഉടലെടുത്തത്. കല്ലാച്ചി മല്‍സ്യ മാര്‍ക്കറ്റിനു സമീപത്തു നിന്നും വീട്ടിലേക്കാവശ്യമായ സാധനങ്ങള്‍ വാങ്ങി സ്‌കൂട്ടറില്‍ പുറപ്പെടാനിരിക്കെ ഇവര്‍ സംഘര്‍ഷത്തില്‍ പെടുകയായിരുന്നു.
താക്കോല്‍ എടുക്കാതെ സ്‌കൂട്ടറില്‍  നിന്നും ഇറങ്ങിയോടി അടുത്ത കടയില്‍ അഭയം പ്രാപിച്ച ഇവര്‍ ബൈക്കെടുക്കാതെ വീട്ടിലേക്കു പോവുകയായിരുന്നു.
പിറ്റേന്ന് സ്ഥലത്തെത്തി അന്വേഷണം നടത്തിയപ്പോഴാണ് ബൈക്ക് കാണാതായ വിവരം അറിയുന്നത്. പൊലിസില്‍ പരാതി നല്‍കിയെങ്കിലും സ്‌കൂട്ടറിനെക്കുറിച്ചു ഇതുവരെ വിവരമൊന്നും ലഭിച്ചിട്ടില്ല .