പയ്യന്നൂര്‍: ബൈപാസ് റോഡിന് സമീപം പൂട്ടിയിട്ട വീട്ടില്‍ മോഷണ ശ്രമം. പെരുമ്പ ബൈപാസ് റോഡില്‍ താമസിക്കുന്ന ഡോ. വി.സി രവീന്ദ്രന്റെ വീട്ടിലാണ്  മോഷണശ്രമം നടന്നത്. സപ്തതി ആഘോഷത്തിന്റെ ഭാഗമായി ഡോക്ടര്‍ കുടുംബത്തോടൊപ്പം വലിയപറമ്പിലെ കന്നുവീട് കടപ്പുറത്തെ റിസോര്‍ട്ടിലായിരുന്നു. കഴിഞ്ഞ ദിവസം തിരിച്ചെത്തിയപ്പോഴാണ് മോഷണശ്രമം നടന്നതായി കണ്ടെത്തിയത്.  മുന്‍വശത്തെ വാതില്‍ കുത്തിത്തുറന്ന നിലയിലാണ്. അകത്തെ മുറിയിലെ മൂന്ന് അലമാരികളിലെ സാധനങ്ങളെല്ലാം വാരിവലിച്ചിട്ടിട്ടുണ്ട്. ഡി.വി.ഡി പ്ലെയര്‍ മോഷണം പോയി. പയ്യന്നൂര്‍ പൊലിസ് സ്ഥലത്തെത്തി പരിശോധന നടത്തി.