വള്ളിക്കുന്ന്: മീനുമായി പോയ   ലോറി നിയന്ത്രണം വിട്ട് വൈദ്യുതി തുണിലിടിച്ചു മറിഞ്ഞ് ഒരാള്‍ക്ക് പരുക്കേറ്റു. പരപ്പനങ്ങാടി ചേളാരി റോഡില്‍ കൊടക്കാട് ആലിന്‍ചുവട് ചെള്ളി വളവിലാണ് അപകടമുണ്ടായത്. കര്‍ണാടകയിലെ മംഗലാപുരത്തു നിന്നും കൊച്ചിയിലേക്കു മീന്‍ കൊണ്ടു പോകുകയായിരുന്നു. ഇന്നലെ പുലര്‍ച്ചെ മൂന്നരയോടെയാണ് അപകടം.
ഇടിയെത്തുടര്‍ന്ന് 11 കെ.വി വൈദ്യുതി ലൈന്‍ കടന്നുപോകുന്ന പോസ്റ്റ് പൂര്‍ണമായും തകര്‍ന്നു. ഇലക്ട്രിക് കമ്പി പൊട്ടിയ ഉടനെ വൈദ്യുതിബന്ധം വിച്ഛേദിക്കപ്പെട്ടതിനാല്‍ വന്‍ അപകടം ഒഴിവായി. അപകടത്തില്‍ ഡ്രൈവര്‍ അത്ഭുതകരമായി രക്ഷപ്പെട്ടു. ലോറിയിലെ ക്ലീനറെ സാരമായ പരുക്കുകളോടെ ആശുപത്രിയില്‍ പ്രവേശിപ്പിച്ചു.