ജിദ്ദ: കേരളത്തില്‍ നിന്ന് സംസ്ഥാന ഹജ് കമ്മിറ്റി വഴിയെത്തിയ രണ്ടു ഹാജിമാര്‍ മരിച്ചു. ഒരാള്‍ മക്കയില്‍ വച്ചും മറ്റൊരാള്‍ മദീനയില്‍ വച്ചുമാണ് മരിച്ചത്. 

പെരുമ്പാവൂര്‍ പോഞ്ഞാശ്ശേരി ചെമ്പാരത്ത് കുന്ന് നോര്‍ത്ത് എല്‍.പി സ്‌കൂളിന് സമീപം താമസിക്കുന്ന മലേക്കുടി എം.കെ.ഇബ്രാഹിം കുട്ടി (70) മക്കയില്‍ വെച്ചാണ് മരണപ്പെട്ടത്. മൃതദേഹം മക്കയില്‍ ഖബറടക്കി. ഇദ്ദേഹം മക്കയിലെ കിങ് അബ്ദുല്‍ അസീസ് ആശുപത്രിയില്‍ ചികിത്സയിലായിരുന്നു. ഭാര്യ: ബീവി. മക്കള്‍: കാദര്‍കുഞ്ഞ്. ഹംസ. ഷിഹാബ്, നഫീസ, ജാസ്മിന്‍, ഷെമീന. മരുമക്കള്‍: ബഷീര്‍, കുഞ്ഞുമുഹമ്മദ്, സിദ്ദീഖ്, അനിത, ആശിഫ, ആന്‍സിയ.

മലപ്പുറം കിഴിശ്ശേരി സ്വദേശി കണ്ടോത്ത്പറമ്പ് മുഹമ്മദലി (63) ആണ് മദീന യില്‍വച്ച് മരണപ്പെട്ടത്. ഭാര്യ: പാത്തുമ്മ കുട്ടി.