അരൂര്‍: യാത്രക്കാരുമായി ചേര്‍ത്തല ഭാഗത്തു നിന്നും എറണാകുളം ഭാഗത്തേക്ക് പോകുകയായിരുന്ന ഓട്ടോറിക്ഷ പാലത്തില്‍ നിന്നും നിലം പതിച്ചു. യാത്രക്കാരായ നാലുപേരടക്കം ഡ്രൈവര്‍ ഉള്‍പ്പടെ അഞ്ചു പേര്‍ അത്ഭുതകരമായി നിസ്സാര പരിക്കുകളോടെ രക്ഷപ്പെട്ടു.
ഇന്നലെ വൈകിട്ട് ചന്തിരൂര്‍ പാലത്തില്‍ വച്ചായിരുന്നു സംഭവം. പാലം ഇറങ്ങി വരവെ പാലത്തിന്റെ പടിഞ്ഞാറാഭാഗത്ത് സ്ഥിതിചെയ്യുന്ന ക്ഷേത്രത്തിന് മുന്നിലേക്കാണ് ആട്ടോറിക്ഷയും യാത്രക്കാരും പാലത്തില്‍ നിന്നും നിലം പതിച്ചത്.
അപകടത്തെ തുടര്‍ന്ന് തൊട്ടടുത്ത പ്രദേശത്തു നിന്നും നാട്ടുകാര്‍ ഉടന്‍ തന്നെ സ്ഥലത്തെത്തി രക്ഷാ പ്രവര്‍ത്തനം നടത്തി പരിക്കേറ്റവരെ ആശുപത്രിയില്‍ പ്രവേശിപ്പിച്ചു. നിലം പതിച്ച ആട്ടോ റിക്ഷ അപകടത്തെ തുടര്‍ന്ന് തകര്‍ന്നു തരിപ്പണമായി.