ഇരിട്ടി: നിര്‍ത്തിയിട്ട ഓട്ടോയ്ക്കു മുകളില്‍ തെങ്ങു വീണ് ഓട്ടോ തകര്‍ന്നു. ഇന്നലെ വൈകുന്നേരം അഞ്ചോടെ വിളക്കോട് കുന്നത്തൂരിലാണു സംഭവം. കുത്തരൂര്‍ മുസ്‌ലിം പള്ളിക്കു സമീപം നോമ്പ് തുറക്കാന്‍ വീട്ടിലേക്കു പോകാന്‍ നിര്‍ത്തിയിട്ട മാളിയേക്കല്‍ റാഷിദിന്റെ ഓട്ടോയ്ക്കു മുകളില്‍ അടുത്തുള്ള പറമ്പില്‍ നിന്നു തെങ്ങു മറിഞ്ഞു വീഴുകയായിരുന്നു. ഓട്ടോയില്‍ യാത്രക്കാരൊന്നും ഇല്ലാത്തതിനാല്‍ വന്‍ അപകടമാണ് ഒഴിവായത്. തെങ്ങു വീണതിനെ തുടര്‍ന്നു തകരാറിലായ വൈദ്യുതി ലൈന്‍ ബന്ധപ്പെട്ട അധികൃതര്‍ ഉടന്‍ വന്ന് ശരിയാക്കി.