കോഴിക്കോട്: ഐ.എന്‍.എല്‍ സ്ഥാപക നേതാവും മുന്‍ മന്ത്രിയുമായ പി.എം അബൂബക്കറിന്റെ മകനും എന്‍.വൈ.എല്‍ മുന്‍ സംസ്ഥാന സെക്രട്ടറിയുമായ പി.എം ഇഖ്ബാല്‍ മുസ്്‌ലിം ലീഗില്‍ ചേര്‍ന്നു. യു.ഡി.എഫ് സ്ഥാനാര്‍ഥി ഡോ. എം.കെ മുനീറിന്റെ തെരഞ്ഞെടുപ്പ് പ്രചാരണത്തോടനുബന്ധിച്ച് ഫ്രാന്‍സിസ് റോഡ് ജങ്ഷനില്‍ സംഘടിപ്പിച്ച പൊതുയോഗത്തില്‍ പി.എം ഇഖ്ബാലിനെ ഡോ. എം.കെ മുനീര്‍ ഷാള്‍ അണിയിച്ച് വരവേറ്റു. കെ.പി അബ്ദുല്ലക്കോയ അധ്യക്ഷനായി. മുസ്‌ലിം ലീഗ് ജില്ലാ പ്രസിഡന്റ് ഉമ്മര്‍ പാണ്ടികശാല, എ.ഐ.സി.സി അംഗം പി.വി ഗംഗാധരന്‍, കെ. മൊയ്തീന്‍കോയ, അഡ്വ. എ.വി അന്‍വര്‍, ഷാജിര്‍ അറഫാത്ത്, സലാംകളായ്, ഇ.വി ഉസ്്മാന്‍ കോയ, ഇ.വി ഫിറോസ്, വിന്‍സന്റ് സംസാരിച്ചു.