കൊടുവള്ളി: മടവൂര്‍ ആരാമ്പ്രംചക്കാലക്കല്‍ തറേങ്ങല്‍ മുസ്തഫയുടെ ഭാര്യ തസ്‌ലീനയുടെ മൂന്ന് ആടുകളെ തെരുവുനായ്ക്കള്‍ കടിച്ചുകൊന്നു. കഴിഞ്ഞ ദിവസം രാത്രിയാണു സംഭവം.
കൂട്ടില്‍ കെട്ടിയിരുന്ന ആടുകളെ നായ്ക്കള്‍ കടിച്ചുകൊന്ന വിവരം ഇന്നലെ രാവിലെയാണു വീട്ടുകാര്‍ അറിഞ്ഞത്. രാത്രി നായ്ക്കളുടെ ബഹളം കേട്ടിരുന്നതായി വീട്ടുകാര്‍ പറഞ്ഞു. ചത്ത ആടുകളില്‍ ഒന്ന് അടുത്ത ദിവസം പ്രസവിക്കാറായതായിരുന്നു.
ആരാമ്പ്രം, ചക്കാലക്കല്‍, കൊട്ടക്കാവ്വയല്‍, പുള്ളിക്കോത്ത് ഭാഗങ്ങളില്‍ തെരുവുനായ ശല്യം രൂക്ഷമായിട്ടുണ്ട്. ഇതിനുമുന്‍പും നായ്ക്കള്‍ ഇവിടെ നിരവധി കോഴികളെയും ആടുകളെയും കടിച്ചുകൊന്നിരുന്നു.