ചെലഞ്ഞിച്ചാല്‍: മതവിദ്യ വേണ്ടവിധം നേടാതെ സ്വയം ഗവേഷണം നടത്താന്‍ ചിലര്‍ തുനിഞ്ഞതാണ് തീവ്രവാദം വളരാന്‍ കാരണമെന്നും ശരിയായ സ്രോതസുകള്‍ ഉപയോഗപ്പെടുത്തി വിജ്ഞാനം നേടിയെങ്കിലേ സമാധാനം നിലനില്‍ക്കുകയൊള്ളുവെന്നും എസ്.വൈ.എസ് സ്റ്റേറ്റ് സെക്രട്ടറി പിണങ്ങോട് അബൂബക്കര്‍ പറഞ്ഞു. ചെലഞ്ഞിച്ചാല്‍ ശാഖാ എസ്.കെ.എസ്.എസ്.എഫ്, എസ്.വൈ.എസ് കമ്മിറ്റികളുടെ സംയുക്താഭിമുഖ്യത്തില്‍ സംഘടിപ്പിച്ച ഐ.എസ് സലഫിസം, ഫാസിസം കണ്‍വന്‍ഷനില്‍ മുഖ്യപ്രഭാഷണം നടത്തുകയായിരുന്നു അദ്ദേഹം. മഹല്ല് ഖത്വീബ് മൊയ്തു മൗലവി ഉദ്ഘാടനം ചെയ്തു. ശാഖാ എസ്.വൈ.എസ് പ്രസിഡന്റ് ഹസൈനാര്‍ മൗലവി അധ്യക്ഷനായി. മുഹമ്മദലി അഹ്‌സനി, പി.എ ഹബീബുറഹ്മാന്‍, പി.വി ഉനൈസ് സംസാരിച്ചു.