തരുവണ: ഇത്തവണ കാല വര്‍ഷം കുറഞ്ഞത് ജില്ലയിലെ ഇഞ്ചിക്കര്‍ഷകര്‍ക്ക് ഗുണകരമെന്ന് വിലയിരുത്തല്‍. രോഗബാധയും ചീയലും ഇല്ലാതായതാണ് കര്‍ഷകര്‍ക്ക് തുണയാകുന്നത്. സാധാരണ മഴക്കാലങ്ങളില്‍ ഇഞ്ചി കൃഷിയെ ബാധിക്കുന്ന രോഗങ്ങളൊന്നും ഇത്തവണ എവിടെയും റിപ്പോര്‍ട്ട് ചെയ്യപ്പെട്ടിട്ടില്ല. വയനാടന്‍ പാടങ്ങളിലും കരഭൂമിയിലുമായി കഴിഞ്ഞ വര്‍ഷത്തെക്കാള്‍ കൂടുതല്‍ ഇഞ്ചികൃഷി ഇത്തവണ ചെയ്തിട്ടുണ്ടെന്നാണ് കണക്ക്.
വിലയിലും പുരോഗതി വന്നാല്‍ ഈ വര്‍ഷത്തെ കൃഷി അനുകൂലമാകുമെന്നാണ് കര്‍ഷകര്‍ പറയുന്നത്. കരഭൂമിയും പാടങ്ങളും പാട്ടത്തിനെടുത്താണ് ജില്ലയിലെ മിക്കയിടങ്ങളിലും ഇഞ്ചി കൃഷി ചെയ്യുന്നത്. നിലവില്‍ രോഗങ്ങളൊന്നുമില്ലാത്ത ഇഞ്ചികൃഷുടെ വിളവെടുപ്പ് ഇത്തവണ കര്‍ഷകര്‍ക്ക് അനുകൂലമാകുമെന്ന് പ്രതീക്ഷയിലാണ് കര്‍ഷകര്‍.