പട്ടാമ്പി: തിരുമിറ്റക്കോട് പഞ്ചായത്തില്‍ കൂട്ട ബലാത്സംഗ കേസില്‍ ആറുപേരെ പൊലിസ് പിടികൂടി. ഒന്നാം പ്രതി രജീഷ് എന്ന കുട്ടനെ നേരത്തെ പിടികൂടിയിരുന്നു. പന്ത്രണ്ടുപേരാണ് പീഡന കേസിലുള്ളത്. അഞ്ചുപേര്‍ ഒളിവിലാണ്. ഇവരില്‍ ചിലര്‍ വിദേശത്തേക്ക് കടന്നതായി സൂചനലഭിച്ചിട്ടുണ്ടെന്ന് അന്വേഷണ ഉദ്യോഗസ്ഥര്‍ വ്യക്തമാക്കി.
മുഹമ്മദ്‌നാസര്‍(30)ഫൈസല്‍(35)അബ്ബാസ്(27)മുസ്തഫ(28)ആബിദ്അലി(24)അര്‍ഷാദ്(21)എന്നിവരെയാണ് പിടികൂടിയത്. പീഡനം നടന്ന് ദിവസങ്ങള്‍ കഴിഞ്ഞിട്ടും പ്രതികളെ പിടികൂടുന്നതില്‍ അലംഭാവം കാണിച്ച പൊലിസ് നടപടിക്കെതിരെ യു.ഡി.എഫ് പ്രവര്‍ത്തകര്‍ രംഗത്ത് വന്നിരുന്നു. അതെ സമയം പ്രതികളെ സഹായിക്കുന്ന നിലപാടാണ് ഭരണകക്ഷി സ്വീകരിക്കുന്നതെന്ന് ആരോപിച്ച് കൊണ്ട് കഴിഞ്ഞ ദിവസം യു.ഡി.എഫ് അംഗങ്ങള്‍ വാര്‍ത്താസമ്മേളനം വിളിച്ച് ചേര്‍ത്ത് പ്രതികളെ പിടികൂടിയിട്ടില്ലെങ്കില്‍ ശക്തമായ പ്രക്ഷോഭ പരിപാടികള്‍ സംഘടിപ്പിക്കുമെന്ന് അറിയിച്ചിരുന്നു.