കരുനാഗപ്പള്ളി: നിരവധി കേസിലെ പ്രതികളായ രണ്ട് യുവാക്കളെ ഓച്ചിറ പൊലിസ് പിടികൂടി. ക്ലാപ്പന പ്രയാര്‍ തെക്ക് കളയക്കാട് പുത്തന്‍വീട്ടില്‍ അഫ്‌സല്‍(20), ഓച്ചിറ, വലിയകുളങ്ങര വിത്രാളിതറയില്‍ നന്ദു എന്ന് വിളിക്കുന്ന ജിതിന്‍ രാജ്(20) എന്നിവരെയാണ് ഓച്ചിറ എസ്.ഐ.വിനോദ് ചന്ദ്രനും സംഘവും അറസ്റ്റ് ചെയ്തത്. പ്രായപൂര്‍ത്തിയാകാത്ത പെണ്‍കുട്ടികളെ തട്ടികൊണ്ട് പോകല്‍, മോഷണം, മൂന്ന് വധശ്രമ കേസുകള്‍ എന്നിവ ഇവരുടെ പേരിലുണ്ടെന്ന് പൊലിസ് പറഞ്ഞു. പ്രതികളെ കരുനാഗപ്പള്ളി കോടതിയില്‍ ഹാജരാക്കി റിമാന്‍ഡ് ചെയ്തു.