.

പൂക്കോട്ടുംപാടം: മണ്ണുമാന്തി യന്ത്രം കത്തി നശിച്ചു. പൂക്കോട്ടുംപാടം വില്ല്വത്ത് ക്ഷേത്രത്തിനു സമീപം നിര്‍ത്തിയിട്ടിരുന്ന ഹിറ്റാച്ചി മണ്ണുമാന്തി യന്ത്രമാണ് ഞായറാഴ്ച പുലര്‍ച്ചെ കത്തി നശിച്ചത്. കൊടിയാടന്‍ അജിത് കുമാറിന്റെ ഉടമസ്ഥതയിലുള്ളതാണ് യന്ത്രം. സമീപമുണ്ടായിരുന്ന മിനി ലോറിക്കും ജെ.സി.ബി മണ്ണുമാന്തി യന്ത്രത്തിനൊന്നും തകരാറു സംഭവിച്ചിട്ടില്ല.
യന്ത്രം കത്തി നശിക്കാന്‍ കാരണം ഷോര്‍ട്ട് സര്‍ക്യൂട്ടാണെന്ന് കരുതുന്നു. ഉടമസ്ഥന്റെ പരാതിയെ തുടര്‍ന്ന് പൂക്കോട്ടുംപാടം പൊലിസ് കേസെടുത്തു.