ബെയ്ജിങ്: ചൈനയുടെ തിയാങോങ്–2 ബഹിരാകാശ പരീക്ഷണ നിലയത്തിലേക്ക് രണ്ടു യാത്രികരുമായുള്ള പേടകം വിക്ഷേപിച്ചു. 2022 ആകുമ്പോഴേക്കും ബഹിരാകാശത്ത് സ്ഥിരം നിലയം സ്ഥാപിക്കാനുള്ള പദ്ധതിയുടെ ഭാഗമായാണ് പുതിയ ദൗത്യം.

50 കാരനായ ജിങ് ഹെയ്‌പെങ്, 37കാരനായ ചെന്‍ ഡോങ് എന്നിവരാണ് ഷെന്‍സൂ 11 ബഹിരാകാശവാഹനത്തില്‍ യാത്ര പുറപ്പെട്ടത്. വടക്കന്‍ ചൈനയിലെ ഗോബി മരുഭൂമിക്കടുത്ത ജിയുക്വാന്‍ വിക്ഷേപണത്തറയില്‍നിന്ന് രാവിലെ 7.30നാണ് ബഹിരാകാശ വാഹനം പുറപ്പെട്ടത്. രണ്ട് ദിവസത്തിനുള്ളില്‍ അവര്‍ ബഹിരാകാശനിലയത്തിലെത്തും. ഒരു മാസമാണ് ഇവര്‍ അവിടെ തങ്ങുക.

2013 ല്‍ മൂന്ന് ചൈനീസ് ഗവേഷകര്‍ 15 ദിവസം തിയാങോങ് 1 നിലയത്തില്‍ താമസിച്ചിരുന്നു.