മയ്യില്‍: കണ്ണൂര്‍ കൊളച്ചേരിയിലെ ഓട്ടോ ഡ്രൈവര്‍ ജനാര്‍ദ്ദന്‍ (45) ഓട്ടോ ഓടിച്ചു കൊണ്ടിരിക്കെ കുഴഞ്ഞുവീണു മരിച്ചു. ഇന്ന് കാലത്ത് കരിങ്കല്‍കുഴി വച്ചാണ് മരിച്ചത്. കോളച്ചേരി പെട്രോള്‍ പമ്പില്‍ നിന്നും പെട്രോളടിച്ച് യാത്ര പുറപ്പെട്ട ജനാര്‍ദ്ദന്‍ കരിങ്കല്‍കുഴി പറശ്ശിനി റോഡ് ജങ്ഷനില്‍ എത്തിയപ്പോള്‍ കുഴഞ്ഞുവീഴുകയായിരുന്നു. വഴിയില്‍ കിടന്ന ജനാര്‍ദ്ദനനെ ഏറെ നേരം കഴിഞ്ഞു പൊലിസ് എത്തിയാണ് ഹോസ്പിറ്റലില്‍ എത്തിച്ചത്. അപ്പോഴേക്കും മരണം സംഭവിച്ചിരുന്നു.