ഇസ്ലാമാബാദ്: പാക്‌സ്താനില്‍ രണ്ട് ബസ്സുകള്‍ കൂട്ടിയിടിച്ച് 27 പേര്‍ മരിച്ചു. ഏകദേശം 50 പേര്‍ക്ക് പരുക്കേറ്റിട്ടുണ്ട്. ഇസ്ലാമാബാദില്‍ നിന്നും 800 കിലോമീറ്റര്‍ അകലെ ഖാന്‍പൂരിലാണ് അപകടമുണ്ടായത്. ഇരു ബസ്സുകളിലുമായി നൂറോളം യാത്രക്കാരാണ് ഉണ്ടായിരുന്നത്.

മരണസംഖ്യ ഇനിയും ഉയര്‍ന്നേക്കും. ബസ്സുകള്‍ വെട്ടിപ്പൊളിച്ചാണ് ആളുകളെ രക്ഷപ്പെടുത്തിയത്. ബസ്സുകള്‍ അമിത വേഗതയിലായിരുന്നതാണ് അപകടത്തിന് കാരണമെന്ന് പൊലിസ് പറഞ്ഞു.