ഭുവനേശ്വര്‍: ഒഡിഷയിലെ ഭുവനേശ്വറില്‍ ആശുപത്രിയിലെ അഗ്‌നിബാധയെ തുടര്‍ന്ന് 20 പേര്‍ മരിക്കാനിടയായ സംഭവത്തില്‍ എസ്.യു.എം ആശുപത്രി അധികൃതര്‍ക്കെതിരേ പൊലിസ് കേസെടുത്തു.
മനപൂര്‍വമല്ലാത്ത നരഹത്യക്കാണ് കേസെടുത്തിരിക്കുന്നത്. ആരോഗ്യ വിദ്യാഭ്യാസ ഡയറക്ടറുടെ മേല്‍നോട്ടത്തില്‍ ഉന്നതതല അന്വേഷണത്തിനും സംസ്ഥാന സര്‍ക്കാര്‍ ഉത്തരവിട്ടിരുന്നു.
സംഭവുമായി ബന്ധപ്പെട്ട് മൂന്ന് ആശുപത്രി ജീവനക്കാരെ അധികൃതര്‍ സസ്‌പെന്‍ഡ് ചെയ്തിട്ടുണ്ട്. തിങ്കളാഴ്ച വൈകുന്നേരമാണ് ആശുപത്രിയില്‍ തീപിടിത്തമുണ്ടായത്. ഷോര്‍ട്ട് സര്‍ക്യൂട്ടാണ് അപകടത്തിനു കാരണമെന്നാണ് പ്രഥമിക നിഗമനം.