താനൂര്‍: സി.എച്ച് മുഹമ്മദ് കോയ ഗവ. കോളജ് താനൂരില്‍നിന്നു മാറ്റാനുള്ള നീക്കത്തില്‍നിന്ന് എം.എല്‍.എ പിന്‍മാറണമെന്നു താനൂര്‍ മണ്ഡലം കോണ്‍ഗ്രസ് കമ്മിറ്റി.
നീക്കത്തെ ജനകീയ പ്രതിരോധംകൊണ്ടു തടയുമെന്നു നേതാക്കള്‍ പറഞ്ഞു. കോട്ടില്‍ അബ്ദുറഹ്മാന്‍ അധ്യക്ഷനായി. വൈ.പി ലത്തീഫ് ഉദ്ഘാടനം ചെയ്തു. ജയശങ്കര്‍, എം. കുഞ്ഞുട്ടി, ടി.വി അഷ്‌റഫ്, വി.പി ശശികുമാര്‍, മങ്ങാടന്‍ അലവികുട്ടി, കെ.പി.എ ലത്തീഫ് പങ്കെടുത്തു.
താനൂര്‍ ഗവ. കോളജ് താനൂര്‍ മുനിസിപ്പാലിറ്റിയില്‍ നിലനിര്‍ത്തണമെന്നും മാറ്റാനുള്ള നീക്കം ഉപേക്ഷിക്കണമെന്നും കേരള വ്യാപാരി വ്യവസായി ഏകോപന സമിതി താനൂര്‍ യൂനിറ്റ് എക്‌സിക്യൂട്ടീവ് യോഗം ആവശ്യപ്പെട്ടു. യു.പി ഇബ്രാഹീം, എം.സി റഹീം, എന്‍.എന്‍ മുസ്തഫകമാല്‍, കരിപ്പായി പരമേശ്വരന്‍, ടി. മുജീബ് റഹ്മാന്‍, എ.കെ അബ്ദുല്‍ ജലീല്‍, യു.എന്‍ സിദ്ദീഖ്, ഭാര്‍ഗവന്‍, എം.സി ആരിഫ് സംബന്ധിച്ചു.