അബൂദബി: യു.എ.ഇയെയും ഒമാനെയും ബന്ധിപ്പിക്കുന്ന റെയിൽവേ പദ്ധതിയായ 'ഹഫീത്ത് റെയിൽ വേ​ഗത്തിലാക്കാൻ തന്ത്രപരമായ രണ്ട് കരാറുകളിൽ ഒപ്പുവെച്ചു. ഒമാനിൽ റെയിൽവേ സൗകര്യങ്ങൾ രൂപകൽപന ചെയ്യുന്നതിനും നിർമിക്കുന്നതിനുമായുള്ള ലാർസൺ ആൻഡ് ടൂബ്രോ (എൽ ആൻഡ് ടി), പവർ ചൈന തുടങ്ങിയ കമ്പനികളുമായാണ് നിർമാണ കരാറിലെത്തിയത്.

ചൈന റെയിൽവേ കൺസ്ട്രക്ഷൻ കോർപ്പറേഷൻ ലിമിറ്റഡുമായി (സി.ആർ.സി.സി) ഭാരമേറിയ ചരക്കുകൾ കൊണ്ടുപോകാൻ സാധിക്കുന്ന വാഗണുകൾക്കായി ഒപ്പിട്ടതാണ് മറ്റൊരു കരാർ. ഒമാനിൽ നിന്ന് യു.എ.ഇയിലേക്ക് അസംസ്കൃത വസ്‌തുക്കൾ കൊണ്ടുപോകുന്നതിനും കയറ്റുമതി ചെയ്യുന്നതിനുമായി ഹഫീത് റെയിൽ എംസ്റ്റീലുമായി ഒപ്പുവെച്ച ദീർഘകാല വാണിജ്യ കരാറും ഇതിൽ ഉൾപ്പെടുന്നു.

കഴിഞ്ഞ ഒക്ടോബറിൽ ഹഫീത് റെയിലിന് ഭാരമേറിയ ചരക്കുകൾ കൊണ്ടുപോകാൻ ശേഷിയുള്ള വാഗണുകൾ വിതരണം ചെയ്യുന്നതിനായി പ്രോഗ്രസ് റെയിലുമായി കരാർ ഒപ്പുവച്ചിരുന്നു. പ്രദേശത്തിൻ്റെ ഭൂമിശാസ്ത്ര പ്രത്യേകതകൾക്കും കാലാവസ്ഥക്കും ഇണങ്ങുന്ന തരത്തിലും സുരക്ഷ, സുസ്ഥിരത, പരിസ്ഥിതി സംരക്ഷണം എന്നിവയുടെ ഉയർന്ന അന്തർദേശീയ മാനദണ്ഡങ്ങൾ പാലിക്കുന്ന തരത്തിലുമാണ് ലോക്കോമോട്ടീവുകൾ രൂപകൽപ്പന ചെയ്തിട്ടുള്ളത്. 

സംയുക്ത നെറ്റ്‌വർക്ക് പ്രോജക്റ്റ് വികസിപ്പിക്കുന്നതിനും പിന്തുണ നൽകുന്നതിനുമായി മാനേജ്മെൻ്റ്, എൻജിനീയറിങ് കൺസൾട്ടൻസി സേവനങ്ങൾക്കായി പ്രമുഖ ഫ്രഞ്ച് എൻജിനീയറിങ്, കൺസൾട്ടിങ് കമ്പനിയായ സിസ്ട്രയുമായും ധാരണയിലെത്തിയിട്ടുണ്ട്.

Saudi Arabia has signed strategic agreements to accelerate the development of its 'Hafit Rail' project, a key component of the kingdom's rail network expansion plans aimed at enhancing connectivity and economic growth.