മലുപ്പുറം: സമസ്ത കേരള സുന്നി ബാലവേദി മലപ്പുറം ഈസ്റ്റ് ജില്ലാ പ്രതിനിധി സമ്മേളനം 12,13 തിയതികളില്‍ മലപ്പുറം ദാറുല്‍ അര്‍ഖമില്‍ നടക്കും. സമ്മേളന പ്രഖ്യാപനം സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് ജനറല്‍ സെക്രട്ടറി കോട്ടുമല ടി.എം ബാപ്പു മുസ്‌ലിയാര്‍ എസ്.കെ.എസ്.ബി.വി ജില്ലാ പ്രസിഡന്റ് വി.എം ജുനൈദിന് ലോഗോ നല്‍കി നിര്‍വഹിച്ചു.
അറിവ്, ആത്മീയത, അര്‍പ്പണം എന്ന പ്രമേയത്തില്‍ സംഘടിപ്പിക്കുന്ന പ്രതിനിധി സമ്മേളനത്തില്‍ ജില്ലയിലെ ആയിരത്തി ഇരുന്നൂറോളം മദ്‌റസകളില്‍ നിന്നുള്ള പ്രതിനിധികള്‍ പങ്കെടുക്കും. സമ്മേളനത്തിന്റെ ഭാഗമായി റെയ്ഞ്ച് കൗണ്‍സിലുകള്‍, മേഖലാ കൗണ്‍സിലുകള്‍, പോസ്റ്റര്‍ ഡേ, സന്ദേശ പ്രയാണം, നാട്ടുവിളംബരം, മാഗസിന്‍ പ്രകാശനം, പ്രദര്‍ശനം തുടങ്ങിയവ നടക്കും. പ്രഖ്യാപന സംഗമത്തില്‍ സൈനുദ്ദീന്‍ ഒളവട്ടൂര്‍, കെ.പി സഫറുദ്ദീന്‍, സയ്യിദ് സ്വദഖത്തുള്ള തങ്ങള്‍, മുബാറക് കൊട്ടപ്പുറം, അസ്‌ലഹ് മുതുവല്ലൂര്‍ സംബന്ധിച്ചു.