കുന്നുംകൈ: അധപ്പതിച്ച സംസ്‌ക്കാരത്തെ ഉല്‍കൃഷ്ടരാക്കുന്നതാണ് പരിശുദ്ധ ഇസാമെന്നും മദ്‌റസകള്‍ ഇസലാമിക സാംസ്‌കാരിക പ്രഭവ കേന്ദ്രമാണെന്നും പാണക്കാട് സയ്യിദ് മുനവ്വറലി ശിഹാബ് തങ്ങള്‍. പുതുക്കിപ്പണിത എടത്തോട് സുഹുബ്ബത്തുല്‍ ഇസ്‌ലാം മദ്‌റസ കെട്ടിടം  ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. കാഞ്ഞങ്ങാട് സംയുക്ത ജമാഅത്ത് പ്രസിഡന്റ് മെട്രോ മുഹമ്മദ് ഹാജി ചടങ്ങില്‍  അധ്യക്ഷനായി.
സമസ്ത ജില്ലാ സെക്രടറി യു.എം അബ്ദുല്‍ റഹ്മാന്‍ മുസ്‌ലിയാര്‍ മുഖ്യ പ്രഭാഷണം നടത്തി. സയ്യിദ് നജുമുദ്ധീന്‍ പൂക്കോയ തങ്ങള്‍ യമാനി കൂട്ടു പ്രാര്‍ഥനക്ക് നേതൃത്വം നല്‍കി.  ബഷീര്‍ വെള്ളിക്കോത്ത് ഹാഷിം അസ് ഹരി, മുബാറക് ഹസ്സൈനാര്‍ ഹാജി, ജാതിയില്‍ അസിനാര്‍, മുസ്തഫ തായന്നൂര്‍, എ.സി.എ ലത്തീഫ്, സി.എച്ച് അമീര്‍, കെ.പി ഗഫൂര്‍, സാജിത് എടത്തോട് എന്നിവര്‍ സംബന്ധിച്ചു.