ചാവക്കാട്: എടക്കഴിയൂര്‍ നാലാം കല്ലില്‍ ഓട്ടോ തൊഴിലാളിക്ക് വെട്ടേറ്റു. അകലാട് ഒറ്റിയിനി ബീച്ച് കറുപ്പം വീട്ടില്‍ അഷറഫിന്റെ മകന്‍ ഷജീറിനാണ് (25) വെട്ടേറ്റത്. ഇയാളെ മുതുവട്ടൂര്‍ രാജാ ആശുപത്രിയില്‍ പ്രവേശിപ്പിച്ചു. എടക്കഴിയൂര്‍ നാലാം കല്ല് സെന്ററില്‍ ഇന്നലെ വൈകുന്നേരം നാലോടെയാണ് സംഭവം.
സമീപത്തെ വ്യാപാരിയായ യുവാവാണ് ആക്രമിച്ചത്. ഷജീര്‍ നാലാം കല്ല് സെന്റര്‍ കേന്ദ്രീകരിച്ചാണ് ഓട്ടോ ഓടിക്കുന്നത്. ഇവിടെയുള്ള ഓട്ടോ പാര്‍ക്കിലെ ഏതോ ഡ്രൈവര്‍ ഒരു സ്ത്രീയോട് അനാവശ്യം പറഞ്ഞത് ചൂണ്ടിക്കാട്ടിയത്തെിയാണ് ഷജീറിനെ ആക്രമിച്ചതെന്ന് പൊലിസിനോട് പറഞ്ഞു. കടയില്‍ നിന്ന് വെട്ടുകത്തിയെടുത്താണ് വെട്ടിയത്. മുഖത്തും തലക്കും പരിക്കുണ്ട്. വെട്ടുകള്‍ തടുത്തതിനാല്‍ കൈകള്‍ക്കും രക്ഷപെടാന്‍ ശ്രമിക്കുന്നതിനിടയില്‍ ശരീരത്തിനു പുറകിലും വെട്ടേറ്റിട്ടുണ്ട്.   ചാവക്കാട് പൊലിസെത്തി മൊഴിയെടുത്ത് അന്വേഷണമാരംഭിച്ചു. നേരത്തെ അധ്യാപികയെ തലക്കടിച്ച് പണം കവരാന്‍ ശ്രമിച്ചതുള്‍പ്പടെ പല കേസുകളിലും ഉള്‍പ്പെട്ടയാളാണ് അക്രമിയെന്ന് ഷജീറിന്റെ ബന്ധുക്കള്‍ പറഞ്ഞു.
.





.