ചൊക്ലി: വൃക്കമാറ്റ ശസ്ത്രക്രിയക്കു വിധേയനായി ആശുപത്രിയില്‍ കഴിയുന്ന ചൊക്ലിയിലെ ഓട്ടോ ഡ്രൈവര്‍ ജയരാജന്റെ ചികിത്സാ ചെലവിലേക്ക് ആരാധന ബസിന്റെ കൈത്താങ്ങ്. തലശ്ശേരി  തൊട്ടില്‍ പാലം റൂട്ടിലോടുന്ന അശോകന്‍ കവിയൂരിന്റെ ഉടമസ്ഥതയിലുള്ള ബസിന്റെ ഒരു ദിവസത്തെ വരുമാനമാണു ചികിത്സാ സഹായകമ്മിറ്റിക്കു കൈമാറുക. യാത്രയുടെ ഫ്‌ളാഗ് ഓഫ് കാഞ്ഞിരത്തിന്‍ കീഴില്‍ ചൊക്ലി പ്രിന്‍സിപ്പല്‍ സബ് ഇന്‍സ്‌പെക്ടര്‍ ഫായിസ് അലി നിര്‍വഹിച്ചു. ചൊക്ലി പഞ്ചായത്ത് പ്രസിഡന്റ് വി.കെ രാഗേഷ് അധ്യക്ഷനായി.
സി.പി.എം ചൊക്ലി ലോക്കല്‍ സെക്രട്ടറി പി.കെ മോഹനന്‍, കെ.എം പവിത്രന്‍, വി.എ മുകുന്ദന്‍, പി ഭാസ്‌ക്കരന്‍, കെ ശാന്താറാം, ഐ.കെ ഗണേഷ് സംസാരിച്ചു.