മഞ്ചേരി: കരിക്കാട് എസ്.വി.എ.എല്‍.പി സ്‌കൂള്‍ 75-ാം വാര്‍ഷികാഘോഷം  ഒരുവര്‍ഷം നീണ്ടുനില്‍ക്കുന്ന വിവിധ പരിപാടികളോടെ നടത്താന്‍ തീരുമാനിച്ചതായി ഭാരവാഹികള്‍ പത്രസമ്മേളനത്തില്‍ അറിയിച്ചു. 29ന് രാവിലെ പത്തിന് നിയമസഭാ സ്പീക്കര്‍ പി. ശ്രീരാമകൃഷ്ണന്‍ ഉദ്ഘാടനം ചെയ്യും.
ഘോഷയാത്ര, പൂര്‍വ അധ്യാപക-വിദ്യാര്‍ഥി സംഗമം, ചരിത്ര വിദ്യാഭ്യാസ സെമിനാറുകള്‍, മെഡിക്കല്‍ ക്യാംപുകള്‍, പുരാവസ്തു പ്രദര്‍ശനം, ബോധവല്‍ക്കരണ ക്ലാസുകള്‍ തുടങ്ങിയ പരിപാടികള്‍ നടത്തും. ഉദ്ഘാടന സമ്മേളനത്തില്‍ അഡ്വ. എം ഉമ്മര്‍ എം.എല്‍.എ അധ്യക്ഷനാകും.
തൃക്കലങ്ങോട് പഞ്ചായത്ത് പ്രസിഡന്റ് എന്‍.എം കോയ മാസ്റ്റര്‍ ആദ്യകാല അധ്യാപകരേയും വിദ്യാര്‍ഥികളെയും ആദരിക്കും.ജില്ലാ പഞ്ചായത്തംഗം കെ.കെ വിമല, പി.കെ മൈമൂന ടീച്ചര്‍, സി.ഭാസ്‌കരന്‍, അജിത കലങ്ങോടിപറമ്പ്, യൂസുഫ്‌മേച്ചീരി, സിനിമാത്യു, പി.എസ് മുഹമ്മദ് ബഷീര്‍ തുടങ്ങിയവര്‍ സംബന്ധിക്കും. പത്രസമ്മേളനത്തില്‍ എം. രാജേന്ദ്രന്‍, ഷാജി കരിക്കാട്, എം.വി വാസുദേവന്‍, സലീം മേച്ചീരി തുടങ്ങിയവര്‍ പങ്കെടുത്തു.