കൊല്‍ക്കത്ത: സ്വകാര്യ ബസ്സില്‍ യാത്ര ചെയ്യുകയായിരുന്ന സ്ത്രീയെ അപമാനിച്ച ഡ്രൈവറെയും കണ്ടക്ടറെയും അറസ്റ്റ് ചെയ്തു. പശ്ചിമബംഗാളില്‍ രാജ്ഭവന് സമീപം ഇന്നലെ രാത്രിയോടെയാണ് സംഭവം. ആളൊഴിഞ്ഞ ബസ്സില്‍ പിതാവിനൊപ്പം യാത്ര ചെയ്യുമ്പോഴാണ് യുവതിക്ക് നേരെ അതിക്രമം ഉണ്ടായത്. കൊല്‍ക്കത്തയിലെ ഗവണ്‍മെന്റ് പ്ലേസ് ഈസ്റ്റില്‍ ഇറങ്ങുമ്പോഴാണ് സംഭവം നടക്കുന്നത്.
പെണ്‍കുട്ടിയുടെ നിലവിളി കേട്ട് രാജ്ഭവനില്‍ ഡ്യൂട്ടിയില്‍ ഉണ്ടായിരുന്ന പൊലിസുകാര്‍ ഓടിയെത്തുകയായിരുന്നു. ഇവര്‍ ബസ്സിലുണ്ടായിരുന്ന ഡ്രൈവറെയും കണ്ടക്ടറെയും പിടികൂടി ഹരേ പൊലിസ് സ്റ്റേഷനിലെത്തിച്ചു.