ശ്രീകൃഷ്ണപുരം: എസ്.കെ.എസ്.എസ്.എഫ് കോട്ടപ്പുറം മേപ്പാറ ശാഖ കമ്മിറ്റി സംഘടിപ്പിക്കുന്ന ദ്വിദിന മതപ്രഭാഷണ ദിക്ര്‍ ദുആ സമ്മേളനത്തിന്ന് ഇന്ന് തുടക്കം കുറിക്കും. മഗ്‌രിബ് നമസ്‌കാരാനന്തരം അത്തിപ്പറ്റ മൊയ്തീന്‍കുട്ടി ഉസ്താദ് ഉദ്ഘാടനം ചെയ്യും. അബ്ദുള്ള ദാരിമി അധ്യക്ഷനാവും. റഹ്മത്തുള്ള ഖാസിമി മുത്തേടം മുഖ്യപ്രഭാഷണം നടത്തും. നാളെ  മജ്‌ലിസുന്നൂറോടെ തുടക്കം കുറിക്കും. സി.കെ.എം സ്വാദിഖ്  മുസ്‌ലിയാര്‍ പ്രാര്‍ഥന നടത്തും. അഷറഫ് ദാരിമി അധ്യക്ഷനാകും. സയ്യിദ് ശിഹാബുദീന്‍ ജിഫ്രി തങ്ങള്‍ ഉദ്ഘാടനം ചെയ്യും. സി. കെ മൊയ്തുട്ടി മുസ്‌ലിയാര്‍ തെയ്യോട്ടുചിറ മുഖ്യപ്രഭാഷണം നിര്‍വഹിക്കും. ചെമ്പുലങ്ങാട് ഉസ്താദ് ദിക്ര്‍-ദുആക്ക് നേതൃത്വം നല്‍കും. ഷമീര്‍ ഫൈസി കോട്ടോപ്പാടം സംബന്ധിക്കും.