കോഴിക്കോട്: ക്രിസ്ത്യന്‍ കോളജ് പരിസരത്ത് എം.എസ്.എഫ്-എസ്.എഫ്.ഐ സംഘര്‍ഷം. സംഘര്‍ഷത്തില്‍ ഇരുവിഭാഗം പ്രവര്‍ത്തകര്‍ക്കും പരുക്കേറ്റു. ഇന്നലെ വൈകിട്ടോടെ സംഘടിച്ചെത്തിയ എം.എസ്.എഫ്-യൂത്ത് ലീഗ് പ്രവര്‍ത്തകര്‍ എസ്.എഫ്.ഐ പ്രവര്‍ത്തകരെ മര്‍ദിക്കുകയായിരുന്നുവെന്ന് എസ്.എഫ്.ഐ ആരോപിച്ചു.
അതേസമയം കോളജ് യൂനിയന്‍ തെരഞ്ഞെടുപ്പിന് ശേഷം യു.ഡി.എസ്.എഫ് വിദ്യാര്‍ഥികളെ എസ്.എഫ്.ഐ പ്രവര്‍ത്തകര്‍ മര്‍ദിക്കുന്നത് പതിവാണെന്ന് എം.എസ്.എഫ് അറിയിച്ചു.
എസ്.എഫ്.ഐ ജില്ലാ ജോ. സെക്രട്ടറി വി.കെ വിജിത്ത് ക്രിസ്ത്യന്‍ കോളജ് വിദ്യാര്‍ഥികളായ അര്‍ജുന്‍, ഹെബി,ജിത്തു എന്നിവരുള്‍പ്പെടെ പത്തോളം പേര്‍ക്ക് മര്‍ദനത്തില്‍ പരുക്കേറ്റു. അക്രമത്തില്‍ എം.എസ്.എഫ് പ്രവര്‍ത്തകര്‍ക്കും പരുക്കേറ്റതായി ജില്ലാ കമ്മിറ്റി അറിയിച്ചു.
 യൂത്ത് ലീഗ് പ്രവര്‍ത്തകരായ വെള്ളയില്‍ സ്വദേശി ഫൈജാസ്, സിദ്ദീഖ് എന്നിവര്‍ക്കും പരുക്കേറ്റു.
ഇവര്‍  ജോലി ചെയ്തു മടങ്ങുമ്പോള്‍ ഡി.വൈ.എഫ്.ഐ പ്രവര്‍ത്തകര്‍ മര്‍ദി്ക്കുകയായിരുന്നു. ഇവരെ കോഴിക്കോട് ഇഖ്‌റ ആശുപത്രിയില്‍ പ്രവേശിപ്പിച്ചു.