കൊല്ലം: ബൈക്കുകള്‍ കൂട്ടിയിടിച്ചുണ്ടായ അപകടത്തില്‍ പരുക്കേറ്റയാള്‍ മരിച്ചു. കേരളപുരം ചന്ദനത്തോപ്പു വറട്ടുചിറ വാഴവിളവീട്ടില്‍ അജയകുമാര്‍(48) ആണു മരിച്ചത്. ചന്ദനത്തോപ്പു ജങ്ഷനില്‍ ബുധനാഴ്ച ഉച്ചയ്ക്ക് രണ്ടരയോടെയായിരുന്നു അപകടം. പരുക്കേറ്റ അജയകുമാറിനെ കൊല്ലം ജില്ലാ ആശുപത്രിയിലെത്തിച്ചെങ്കിലും രക്ഷിക്കാനായില്ല. എതിരെ വന്ന ബൈക്കിലെ യാത്രക്കാരന്‍ കൊല്ലത്തെ സ്വകാര്യ ആശുപത്രിയില്‍ ചികില്‍സയിലാണ്. അജയകുമാര്‍ കേരളപുരം ജങ്ഷനില്‍ വെല്‍ഡിംഗ് വര്‍ക്ക്‌ഷോപ്പ് നടത്തിവരുകയായിരുന്നു. ഭാര്യ: വത്സല, മക്കള്‍: അതുല്യ (പ്ലസ്ടു വിദ്യാര്‍ഥിനി), അജിത് (എം.ഇ.എ സ്‌കൂള്‍ വിദ്യാര്‍ഥി). സംസ്‌കാരം വീട്ടുവളപ്പില്‍ നടത്തി. കുണ്ടറ പൊലിസ് കേസെടുത്തു.