കട്ടപ്പന: ഹോട്ടല്‍ മുറിയില്‍ മദ്യപിച്ചെന്നാരോപിച്ച് ഡി.വൈ.എഫ്.ഐ പ്രവര്‍ത്തകര്‍ കോളജ് അധ്യാപകരെ തടഞ്ഞുവച്ചു.
വെള്ളയാംകുടിയിലുള്ള ഒരു ഹോട്ടലില്‍ മുറിയെടുത്തിരുന്ന കട്ടപ്പന ഗവണ്‍മെന്റ് കോളജിലെ മൂന്ന് അധ്യാപകരെയാണ് തടഞ്ഞുവച്ചത്.
സംഭവം സംഘര്‍ഷത്തിനും ഇടയാക്കി. വിവരമറിഞ്ഞു പൊലിസെത്തിയാണ് രംഗം ശാന്തമാക്കിയത്. അധ്യാപകര്‍ അവധിയിലാണെന്നും ഡ്യൂട്ടിയിലായിരുന്നെന്നും തര്‍ക്കമുണ്ടായിട്ടുണ്ട്.
റാഗിങിന്റെപേരില്‍  കഴിഞ്ഞദിവസം ആറു എസ്.എഫ്.ഐ പ്രവര്‍ത്തകരെ ഗവണ്‍മെന്റ് കോളജില്‍നിന്നും സസ്‌പെന്‍ഡുചെയ്യാന്‍ തീരുമാനിച്ചിരുന്നു.
ഇതിനുപിന്നാലെയാണ് തടഞ്ഞുവയ്ക്കലും സംഘര്‍ഷവും ഉണ്ടായത്.