കണ്ണൂര്‍: ജില്ലയിലെ സര്‍വിസ് സഹകരണ ബാങ്കുകളെ നാഷനല്‍ നെറ്റ്‌വര്‍ക്കിലുള്ള എ.ടി.എം ശൃംഖലയുമായി ബന്ധിപ്പിച്ചു. മുഴുവന്‍ സര്‍വിസ് സഹകരണ ബാങ്കുകളിലെയും കിസാന്‍ ക്രെഡിറ്റ് കാര്‍ഡ് ഇടപാടുകാരുള്‍പ്പെടെയുള്ള എല്ലാവര്‍ക്കും നാഷനല്‍ പേമെന്റ് കോര്‍പറേഷന്‍ ഓഫ് ഇന്ത്യ(എന്‍.പി.സി.ഐ) നെറ്റ്‌വര്‍ക്കിലുള്ള എ.ടി.എം സൗകര്യം ലഭ്യമാക്കുന്നതാണ് പദ്ധതി.
കണ്ണൂര്‍ ജില്ലാ സഹകരണ ബാങ്ക് ഓഡിറ്റോറിയത്തില്‍ മന്ത്രി കടന്നപ്പള്ളി രാമചന്ദ്രന്‍ ഉദ്ഘാടനം ചെയ്തു. എ.ടി.എം ലോഞ്ചിങ് കെ.എം ഷാജി എം.എല്‍.എയും എ.ടി.എം കിറ്റ് വിതരണം മേയര്‍ ഇ.പി ലതയും നിര്‍വഹിച്ചു. റുപയ് ഡെബിറ്റ് കാര്‍ഡ് വിതരണം നബാര്‍ഡ് ഡി.ഡി.എം.എസ്.എസ് നാഗേഷ് നിര്‍വഹിച്ചു. ജില്ലാ പഞ്ചായത്ത് പ്രസിഡന്റ് കെ.വി സുമേഷ് ഉപഹാര സമര്‍പണം നടത്തി. കതിരൂര്‍, അഴീക്കോട്, ചെറുതാഴം, ആനപ്പന്തി, കൊളച്ചേരി സര്‍വിസ് സഹകരണ ബാങ്കുകളാണ് ആദ്യഘട്ടത്തില്‍ പദ്ധതിയില്‍ ഉള്‍പ്പെട്ടിട്ടുള്ളത്. ജില്ലാ സഹകരണ ബാങ്ക് പ്രസിഡന്റ് എ.കെ ബാലകൃഷ്ണന്‍ അധ്യക്ഷനായി. എ.കെ പുരുഷോത്തമന്‍, എം നാരായണ്‍ കുട്ടി, കെ അബ്ദുല്‍ റഷീദ് സംസാരിച്ചു.