മണ്ണഞ്ചേരി:കലാകായിക രംഗത്തെ കഴിവുതെളിയിക്കാന്‍ സംഘടിപ്പിക്കുന്ന കേരളോത്സവം ഇക്കുറിയും വഴിപാടാകും. സംസ്ഥാന യുവജനക്ഷേമബോര്‍ഡ് തദ്ദേശസ്ഥാപനങ്ങളുടെ സഹകരണത്തോടെയാണ് കേരളോത്സവം സംഘടിപ്പിക്കുന്നത്.
കഴിഞ്ഞ കാലങ്ങളിലെ സമയക്രമം അനുസരിച്ച് ഗ്രാമ - ബ്ലോക്ക് പഞ്ചായത്തുകളിലെ കേരളോത്സവങ്ങള്‍ നടക്കേണ്ടസമയം കഴിഞ്ഞു.
സെപ്റ്റംബര്‍ മാസത്തോടെയാണ് ഇതിന് തുടക്കംകുറിക്കേണ്ടിയിരുന്നത്. കലാകായിക മത്സരങ്ങള്‍ക്കൊപ്പം കേരളത്തിന്റെ തനതുകലാരൂപങ്ങളുടെയും അഭ്യാസങ്ങളുടെയും മത്സരങ്ങളും ഇതില്‍ ഉള്‍ക്കൊള്ളിച്ചിട്ടുണ്ട്.
ഡിസംബര്‍ മാസത്തിന്റെ ആദ്യ ആഴ്ചയില്‍ തന്നെ ജില്ലാതലമത്സരങ്ങള്‍ പൂര്‍ത്തിയാക്കാനായിരുന്നു തീരുമാനം.എന്നാല്‍ നിലവില്‍ ഗ്രാമപഞ്ചായത്തുകളിലും മുനിസിപ്പാലിറ്റികളിലും ഇതിന്റെ ആലോചനായോഗം പോലും നടത്തിയിട്ടില്ല.
വരും ദിവസങ്ങളില്‍ വേണ്ടത്ര ഒരുക്കങ്ങള്‍ ഇല്ലാതെയാകും ഇക്കുറിയും കേരളോത്സവം നടത്തുക.