കുറ്റ്യാടി: എസ്.കെ.എസ്.എസ്.എഫ് കുറ്റ്യാടി മേഖലാ കമ്മറ്റി ശാഖാതലങ്ങളില്‍ സംഘടിപ്പിക്കുന്ന 'തജ്ഹീസ് '16 ശ്രദ്ധേയമാകുന്നു. കരുത്തുറ്റ നാളേക്കായ് ഒരുമയോടെ മുന്നോട്ട് എന്ന പ്രമേയത്തില്‍ ശാഖാ ശാക്തീകരണത്തിന്റെ ഭാഗമായാണ് പരിപാടി സംഘടിപ്പിക്കുന്നത്.
ജില്ലാ കമ്മിറ്റിയുടെ നാട്ടുനന്മ ഉള്‍പ്പെടെയുള്ള പദ്ധതികള്‍ മഹല്ലുകളില്‍ കൂടുതല്‍ കൃത്യമായി നടപ്പാക്കാനും സാമൂഹ്യതിന്മക്കെതിരേ ഒറ്റക്കെട്ടായി പ്രവര്‍ത്തിക്കാനും സംഗമത്തില്‍ തീരുമാനിച്ചു.
ശാഖകളുടെ ഒരു വര്‍ഷത്തെ പ്രവര്‍ത്തന റിപ്പോര്‍ട്ടും പുതിയ ഒരു പദ്ധതിയുടെ പ്രഖ്യാപനവും നടന്നു. മേഖലാതല ഉദ്ഘാടനം പള്ളിയത്ത് നുസ്‌റത്തുല്‍ ഇസ്‌ലാം സെക്കന്‍ഡറി മദ്‌റസയില്‍ എസ്.എം.എഫ് മേഖലാ സെക്രട്ടറി വണ്ണാറത്ത് അബ്ദുറഹിമാന്‍ മാസ്റ്റര്‍ നിര്‍വഹിച്ചു.
അമ്മദ് പി.കെ അധ്യക്ഷനായി. ഒ.കെ റിയാസ് മാസ്റ്റര്‍, ഷൈജല്‍ അഹമ്മദ്, ശുഐബ് ദാരിമി, ഷൗക്കത്ത് ദേവര്‍കോവില്‍, സാലിം പി.കെ, അഹമ്മദ് ഫസല്‍, സുഹൈല്‍ മാസ്റ്റര്‍, ഹാരിസ് ഇ, ഉവൈസ് റഹ്മാനി, ഷൗക്കത്ത് വടയം സംസാരിച്ചു.