പാനൂര്‍: ആകാശ യാത്രയ്‌ക്കൊരുങ്ങി കടവത്തൂര്‍ മൈത്രീ സ്‌കൂളിലെ വിദ്യാര്‍ഥികള്‍. ഭിന്നശേഷിക്കാരായ 23 കുട്ടികളാണ് വിമാനത്തില്‍ ടൂര്‍ പോകാനൊരുങ്ങുന്നത്. കരിപ്പൂര്‍ വഴി തിരുവനന്തപുരത്തേക്കാണു യാത്ര. ഏഴ് അധ്യാപകരും അഞ്ചു രക്ഷിതാക്കളും ഒപ്പമുണ്ട്. ഇന്നു രാവിലെ ഏഴിനു കരിപ്പൂരില്‍ നിന്നാണു പുറപ്പെടുക. തിരുവനന്തപുരത്തെ പ്രധാന സ്ഥലങ്ങള്‍ സന്ദര്‍ശിച്ച് അന്നു തന്നെ രാത്രി ട്രെയിനില്‍ തിരിച്ചു നാട്ടിലേക്കു മടങ്ങും.
വാര്‍ത്താസമ്മേളനത്തില്‍ ഭാരവാഹികളായ കെ ഖാലിദ് മാസ്റ്റര്‍, ഖാദര്‍ സുല്ലമി, അബ്ദുസലാം, കെ കെ അബ്ദുള്ള, സ്‌കൂള്‍ പ്രിന്‍സിപ്പല്‍ ആരതി രാമചന്ദ്രന്‍ , സയീദ് ഉമ്മര്‍ പങ്കെടുത്തു.