കാസര്‍കോട്: വധശ്രമക്കേസിലെ പ്രതിയെ എട്ടു വര്‍ഷത്തിന് ശേഷം പൊലിസ് അറസ്റ്റ് ചെയ്തു. നുള്ളിപ്പാടി രിഫായി മന്‍സിലിലെ റബിഹത്തി (30)നെയാണ് കാസര്‍കോട് സി.ഐ. അബ്ദുല്‍ റഹീമിന്റെ നേതൃത്വത്തിലുള്ള പ്രത്യേക സ്‌ക്വാഡ് അറസ്റ്റ് ചെയ്തത്. 2008 നവംബര്‍ 26നു വൈകിട്ട് നുള്ളിപ്പാടിയിലെ ഇബ്രാഹിമിനെ ഇരുമ്പുവടി കൊണ്ട് തലക്കടിച്ച് പരുക്കേല്‍പ്പിച്ച കേസിലാണ് അറസ്റ്റ്. ഈ കേസില്‍ ഹാജരാവാതെ മുങ്ങിയിരുന്ന റബിഹത്തിനെ പിടികിട്ടാപ്പുള്ളിയായി പ്രഖ്യാപിച്ചിരുന്നു. ഇന്നലെ നീലേശ്വരത്തു വെച്ചാണ് പ്രതിയെ അറസ്റ്റ് ചെയ്തത്.