മാറഞ്ചേരി: സ്വദേശിയായ ചിറ്റാറയില്‍ കുഞ്ഞുവെന്ന സ്വകാര്യ വ്യക്തിയുടെ കനിവില്‍ മാറഞ്ചേരി പഞ്ചായത്തിലെ 151ാം നമ്പര്‍ അങ്കണവാടിക്ക് സ്വന്തം കെട്ടിടമായി. അങ്കണവാടിക്കു വേണ്ടി സൗജന്യമായി വിട്ടുനല്‍കിയ ഭൂമിയില്‍ മാറഞ്ചേരി പഞ്ചായത്ത് പത്തു ലക്ഷം രൂപ ചെലവഴിച്ചാണ് കെട്ടിടത്തിന്റെ നിര്‍മാണ പ്രവൃത്തികള്‍ പൂര്‍ത്തിയാക്കിയത്.
വാര്‍ഡ് മെമ്പര്‍ അറമുഖന്‍ വെള്ളേരിയുടെ അധ്യക്ഷതയില്‍ ഗ്രാമപഞ്ചായത്ത് പ്രസിഡന്റ് അഡ്വ. ഇ. സിന്ധു ഉദ്ഘാടനം ചെയ്തു. ചിറ്റാറയില്‍ കുഞ്ഞു, ബ്ലോക്ക് വൈസ് പ്രസിഡന്റ് സുബൈദ അബൂബക്കര്‍, ബ്ലോക്ക് മെമ്പര്‍ എം. വിജയന്‍, കദീജ, ജില്ലാ പഞ്ചായത്ത് മെമ്പര്‍ സമീറ ഇളയോടത്ത്, ഹനീഫ പാലക്കല്‍, ലീന മുഹമ്മദാലി, കെ.വി ഹംസ, പി. മണികണ്ഠന്‍, സിന്ധു, അദീബ, ഷീജ സംസാരിച്ചു.