തലശ്ശേരി: ധര്‍മ്മടത്ത് രണ്ട് ആടുകളെ തെരുവുനായ്ക്കള്‍ കൂട് തകര്‍ത്തു കടിച്ചു കൊന്നു. ധര്‍മ്മടം പൊലിസ് സ്റ്റേഷനു സമീ പം വിളക്കത്താന്‍ വയല്‍ കൊളത്തായി വീട്ടില്‍ ജമീലയുടെ ആടുകളാണ് ചത്തത്. ഇന്നലെ പുലര്‍ച്ചെയാണ് സിങ്ക് ഷീറ്റ് കൊണ്ടു നിര്‍മിച്ച കൂട് തകര്‍ത്ത് നായ്ക്കള്‍ ആടുകളെ വലിച്ചു പുറത്തിട്ടു കൊന്നത്. കരച്ചില്‍ കേട്ട് അയല്‍വാസികള്‍ ഉണര്‍ന്ന് നോക്കിയപ്പോള്‍ നായ്ക്കൂട്ടം ആടുകളുടെ കഴുത്തിന് കടിക്കുന്നതാണ് കണ്ടത്. ബഹളം വച്ചതോടെ ആടുകളെ ഉപേക്ഷിച്ച് നായകള്‍ കടന്നു. മൃഗഡോക്ടര്‍ വന്ന് ചത്ത ആടുകളെ പരിശോധിച്ചു.