കരുളായി: കരുളായിയിലെ മാവേലി സ്‌റ്റോറില്‍ മോഷണം നടന്നു. ഒരുകിലോയുടെ ഹോര്‍ലിക്‌സ്, അരകിലോയുടെ ബൂസ്റ്റ്, 500 ഗ്രാം നെയ്യ് എന്നിവയും മേശയില്‍ ഉണ്ട@ായിരുന്ന നൂറു രൂപയുമാണു മോഷണം പോയത്. ഫയലുകള്‍ സൂക്ഷിച്ച അലമാരയും തുറന്ന നിലയിലായിരുന്നു.
മാവേലി സ്റ്റോറിന്റെ ഷട്ടറിന്റെ ഇരുപൂട്ടുകളും തകര്‍ത്താണു മോഷ്ടാവ് അകത്ത് കയറിയത്. സമീപത്തുള്ള ബാങ്കിലേക്കു കയറുന്ന ഗ്രില്ലിന്റെ പൂട്ടും തകര്‍ത്തിട്ടു@ണ്ട്. മാവേലി സ്റ്റോറിന്റെ ഷട്ടര്‍ രാവിലെ തുറന്ന നിലയില്‍ കണ്ട@തിനെത്തുടര്‍ന്നു ജിവനക്കാരെ വിവരമറിയിക്കുകയായിരുന്നു. ഇവരെത്തി പരിശോധിച്ചപ്പോഴാണു മോഷണം നടന്നതറിയുന്നത്. പൂക്കോട്ടും പാടം പൊലിസ് കേസെടുത്ത് അന്വേഷണം ആരംഭിച്ചു. മലപ്പുറത്തുനിന്നുള്ള വിരലടയാള വിദഗ്ധര്‍ സ്ഥലത്തെത്തി പരിശോധന നടത്തി. വൈകുന്നേരമായാല്‍ മാവേലി സ്‌റ്റോര്‍ പരിസരം സാമൂഹ്യ വിരുദ്ധരുടെ താവളമാണെന്നും നാട്ടുകാര്‍ ആരോപിക്കുന്നു.